राशिफल
मंदिर
रामदेव जी भजन - मालवे मेवाड़ सु लाखु बिन्जारो है आयो जी भजन लिरिक्स
लिरिक्स
मालवे मेवाड़ सु लाखु,बिन्जारो है आयो जी,बालदडी मे काई माल,लायो लाखु बिन्जारा ओ जी,अरे घणी घणी खम्मा,मारा इन्दुपति राजा ने,परचो पुगो दुनिया रे माई,ओ बाबा रामदेव ओ जी।। ।।
अरे बडा तो विरमदेव ने,छोटा रामदेव जी,बालदडी रूकावे दोनो भाई,कंवर अजमल रा ओ जी,बालदडी रूकाय बाबा,रामदेव जी पुचे ओ,बालदडी मे काई माल,लायो लाखु बिन्जारा ओ जी।। ।।
अरे झूठ बोलु तो माने,राम री दुहाई जी,भरीयो भरीयो खारो साम्बर,लून बाबा रामदेव ओ जी,अरे खारा खारा बोल लाखु,थारे आडा आवे ओ,मिसरी पलटे ने होई जो,लून लाखु बिन्जारा ओ जी।। ।।
अरे गाँव रूनीचे सु लाखु,बालदडी ललकारी जी,गयो गयो गाँव पनोदी माय,लाखु बिन्जारा ओ जी,अरे गाँव रे चोवटीये लाखु,ठालो परोन किनोजी,बालद खाडी गाँव पनोदी,माई लाखु बिन्जारा ओ जी।। ।।
अरे फलका करे बिन्जारी,चूरमो बनादे जी,धोबो भरने मिलरी मिलाय,सुनले बिन्जारी ओ जी,आज तो चूरमीयो माने,खारो खारो लागे जी,अरे धोबो भरने मिसरी भले गाल,सुनले घरवाली ओ जी ।। ।।
अरे खोल खोल कुनदी,लाखु उल्टी रे किनी ओ,ओ लून वाला ढिगला परा,किना लाखु बिन्जारा ओ जी,घणी घणी खम्मा मारा,इन्दुपति राजा ने,परचो पुगो दुनिया रे माय,ओ बाबा रामदेव ओ जी।। ।।
अरे बाणीया रो वेश धरने,रामदेव जी आया ओ,ओ गया गया गाँव पनोदी,माई बाबा रामदेव ओ जी,अरे दिनडो उगो ने लाखु,वोपारीजी आया ओ,करदे करदे मिसरी रो मोल,लाखु बिन्जारा ओ जी।। ।।
अरे कपडा फटोडा सेठ,मिसरी न लेवीजे ओ,लाखु वाली मिसरी मूंगा मोल,निर्धन बाणीया ओ जी,घणी घणी खम्मा मारा,इन्दुपति राजा ने,परचो पुगो दुनिया रे माय,ओ बाबा रामदेव ओ जी।। ।।
अरे बिन्जारा रा बोल सुन,झोली हाथ गाल्या ओ,रूपीया वाला ढिगला परा,किना बाबा रामदेव ओ जी,अरे छोका छोका रूपीया लाखु,गिन गिन लिजे ओ,अरे खोटा खोटा पाचा कर दिजे,लाखु बिन्जारा ओ जी।। ।।
अरे पाच गुन खोली लाखु,पच्चीस गुन खोली ओ,मिसरी पलटे ने होईगो लून,लाखु बिन्जारा ओ जी,अरे बिन्जारी भी रोवे लाखु,बिन्जारो भी रोवे ओ,टाबरिया रा काई रे हवाल,बाबा रामदेव ओ जी।। ।।
अरे रातरा ठगडा रा लाखु,रात ठगवा आवे ओ,धोले दिनरा ठगो ने किकर,जावे लाखु बिन्जारा ओ जी,हाथ मे हथकडीया लगावु,मे पगा मे पग बेडी ओ,अरे नोको नोको जेल खाना रे,माय लाखु बिन्जारा ओ जी।। ।।
अरे अलबाने पगे रे लाखु,गाँव रूनीचे पुगो ओ,हेलो मारीयो सरवरिया री पाल,बाबा रामदेव ओ जी,आधा रो वे मालवे मे,आधा फलोदी माय ओ,टाबरिया रा काई रे हवाल,बाबा रामदेव ओ जी।। ।।
बारह लाख रो बाबा थारे,होम करावु ओ,तेरह लाख मे रूनीचो जीमावु,बाबा रामदेव ओ जी,अरे बन्दी बन्दी कुनदी लाखु,मिसरी रे वेला ओ,खुली खुली लुन वाला,ढिगला लाखु बिन्जारा ओ जी।। ।।
अरे हरि रे चरना मे भाटी,हरजी यु बोल्या ओ,लून पलटाय किनी मिसरी,बाबा रामदेव ओ जी,अरे घणी घणी खम्मा,मारा इन्दुपति राजा ने,परचो पुगो दुनिया रे माई,ओ बाबा रामदेव ओ जी।। ।।
मालवे मेवाड़ सु लाखु,बिन्जारो है आयो जी,बालदडी मे काई माल,लायो लाखु बिन्जारा ओ जी,अरे घणी घणी खम्मा,मारा इन्दुपति राजा ने,परचो पुगो दुनिया रे माई,ओ बाबा रामदेव ओ जी।। ।।
अन्य प्रसिद्ध रामदेव जी भजन
दुनिया जाणे रामदेव जी अजमल घर अवतार भजन लिरिक्स
दुनिया जाणे रामदेव जी,अजमल घर अवतार,परगट नही, भया है पीर जी,परगट नही होया पीर जी,आया है जन्म धार म्हारा पीर जी,दुनियाँ ज...
धोली रे धोली ध्वजा फरुके रुनिचे रे मायने रामदेवजी भजन
धोली रे धोली ध्वजा फरुके, रुनिचे रे मायने, एक आसरो रामधणी रो, एं दुनिया रे मायने।। ।। केशरियो हैं बागों प्यारो, नेजो सोव...
खम्मा खम्मा खम्मा ओ कंवर अजमाल रा भजन लिरिक्स
खम्मा खम्मा खम्मा ओ,कंवर अजमाल रा,ख़म्मा ख़म्मा ख़म्मा,ओ कंवर अजमाल रा,थाने तो पूजे राजस्थान जी ओ,गुजरात जियो,ओ ख़म्मा घणी घ...
जिसे होना है मालामाल और खुशहाल रामदेवजी भजन
जिसे होना है मालामाल और खुशहाल,DOHA : - रामा कहू के रामदेव,हिरा कहू के लाल,ज्याने मिलिया बाबा रामदेव,तो वाने कीन्हा निहा...
होई जाओ संत सुधारो थारी काया लिरिक्स
होई जाओ संत,सुधारो थारी काया जी,अपने धनियोरा मार्ग झीणा है,ओ रावल माल,समझ्योडा वो तो,जीनो रे मार्ग हालो जी ओ जी,रथ घोडो ...
कलश माई कला नेजा रे माई नूर रामदेवजी भजन लिरिक्स
कलश माई कला,नेजा रे माई नूर।। DOHA : ? रामा सामा आवजो,कलजुग बहे रे करू,अरज करू अजमाल रा,हेलो साम्भलजो हुजूर।। कलश माई क...
Other Bhajan Collections
कबीर वाणी भजन
सांवलिया सेठ भजन
शनि देव भजन
बाबोसा भजन
खेतारामजी भजन
