राशिफल
मंदिर
रामदेव जी भजन - अजमलजी रे आंगन माई सखीया मंगला गावे विवाह गीत लिरिक्स
लिरिक्स
अजमलजी रे आंगन माई,सखीया मंगला गावे।।
खम्मा खम्मा ओ म्हारा,रूनीचे रा धणीया,थाने तो ध्यावे आखी मारवाड़ ओ,बाबा गुजरात ओ,अजमालजी रा कंवरा,खम्मा खम्मा ओ म्हारा,रूनीचे रा धणीया।। ।।
अजमलजी रे आंगन माई,सखीया मंगला गावे,पीठी हल्दी तेल चढावे,बाजोट बैठावे,रामदेवजी ने ओ,रामदेव ने बिन्द बनावे जी,अजमालजी रा कंवरा,खम्मा खम्मा ओ म्हारा,रूनीचे रा धणीया,रामदेव सु आकर माता,मैणादे बतलाई,लाछा तो आयी म्हारी,सुगना क्यु नही आयी,सुगना ने लेवन सारू जावो जी,ओ बेटा सुगना ने लेवन सारू जावो जी,अजमालजी रा कंवरा,खम्मा खम्मा ओ म्हारा,रूनीचे रा धणीया,थाने तो ध्यावे आखी मारवाड़ ओ,बाबा गुजरात ओ,अजमालजी रा कंवरा,खम्मा खम्मा ओ म्हारा,रूनीचे रा धणीया।। ।।
रतना ने लेवन ने भेज्यो,उनने कैद कराई,पुंगल गढ मे आंसूडा,ढलकावे सुगना बाई,बीरोसा री ओलुडी ओ,बीरोसा री ओलुडी घणी आवे जी,अजमालजी रा कंवरा,खम्मा खम्मा ओ म्हारा,रूनीचे रा धणीया,लीले री असवारी बाबो,पुंगल गढ मे आया,सुगना बाई ने सागे लेने,नगर रूनीचे आया,माता मैणादे मन हर्षाया,ओ भाया माता मैणादे मन हर्षाया,अजमालजी रा कंवरा,खम्मा खम्मा ओ म्हारा,रूनीचे रा धणीया,थाने तो ध्यावे आखी मारवाड़ ओ,बाबा गुजरात ओ,अजमालजी रा कंवरा,खम्मा खम्मा ओ म्हारा,रूनीचे रा धणीया।। ।।
रामदेव परणीजन चाल्या,अमरकोट के माई,मरीयोडी मिनकी ने साली,लायी थाली माई,मिनकी ने जीवत ओ,मिनकी ने जीवती कराई जी,अजमालजी रा कंवरा,खम्मा खम्मा ओ म्हारा,रूनीचे रा धणीया,रामदेव परचो दिखलायो,बैठा फेरा माई,पाव दिया नेतल रानी ने,पगल्या सु चलाई,सगला अचरज लायो जी,ओ बाबा सगला अचरज लायो जी,अजमालजी रा कंवरा,खम्मा खम्मा ओ म्हारा,रूनीचे रा धणीया,थाने तो ध्यावे आखी मारवाड़ ओ,बाबा गुजरात ओ,अजमालजी रा कंवरा,खम्मा खम्मा ओ म्हारा,रूनीचे रा धणीया।। ।।
अमरकोट सु जाण पाछी,रूनीचा मे आयी,बीरे ने बधावन थाल सजाकर,सुगना बाई आयी,बेनड रे नैना माई ओ,बेनड रे नैना माई नीर ढले,अजमालजी रा कंवरा,खम्मा खम्मा ओ म्हारा,रूनीचे रा धणीया,बोल्या बाबा रामदेव जी,बेनड बात बतावे,शुभ वेला मे सुगना कैया,आंसूडा ढलकावे,साची साची बात बताओ जी,ओ म्हाने साची साची बात बताओ जी,खम्मा खम्मा ओ म्हारा,रूनीचे रा धणीया,थाने तो ध्यावे आखी मारवाड़ ओ,बाबा गुजरात ओ,अजमालजी रा कंवरा,खम्मा खम्मा ओ म्हारा,रूनीचे रा धणीया।। ।।
अन्य प्रसिद्ध रामदेव जी भजन
बाबा रामदेवजी ओ थाने खम्मा घणी रामदेव जी भजन लिरिक्स
बाबा रामदेवजी ओ थाने खम्मा घणी,DOHA : महिमा गावा रामदेव री, सुनजो ध्यान लगाय,जनम जनम रा पाप मिटे,और दुःख दारी दूर जाए।।...
पीर ने भजो जीव दिन रात रामदेवजी भजन लिरिक्स
पीर ने भजो जीव दिन रात,बाबा ने भजो जीव दिन रात,हे भाला सोवे साथ,हाथ मे लीले री लगाम,टपा टप टापा री आवाज,पीर ने भजों जीव ...
सिर पर रामदेव जी रो हाथ फिर कई बात को घाटो
सिर पर रामदेव जी रो हाथ,फिर कई बात को घाटो।। DOHA : ? रामा सामा आवजो,कलजुग बहे रे करूर,अरज करू अजमाल रा,हेलो साम्भलजो ह...
मेलो आयो भादवा रो रामदेव जी लिरिक्स
मेलो आयो भादवा रो,कोई झाला दे रे बुलाय रुणिजे वाला,पीर जी मेलो जोर भरायो जी।। मेलो जोर भरायो जी।। अजमल जी रा लाडला जी को...
कलश माई कला नेजा रे माई नूर रामदेवजी भजन लिरिक्स
कलश माई कला,नेजा रे माई नूर।। DOHA : ? रामा सामा आवजो,कलजुग बहे रे करू,अरज करू अजमाल रा,हेलो साम्भलजो हुजूर।। कलश माई क...
रामदेवजी रो ब्याव मंड्यो रूनीचे भजन लिरिक्स
रामदेवजी रो ब्याव मंड्यो रूनीचे,हे रामदेवजी रो ब्याव मंड्यो रूनीचे,सोने रे पाट बैठाय बाबो,तेल चढ्यो रूनीचे,हे तेल चढ्यो ...
Other Bhajan Collections
भक्ति भजन
सूफ़ी भजन
अनन्य भजन
श्री गणेश भजन
शिरडी साईं बाबा भजन
